Դպրոցականը հայտնագործել է քաղցեղի որոշման թեստ

15-ամյա դպրոցականը ենթաստամոքսային գեղձի քաղկցեղի վաղ ախտորոշման թեստ է հայտնագործել:

Ամերիկյան Մերիլինդ քաղաքի 15-ամյա դպրոցական Ջեկ Անդրակը բժշկության մեջ, հնարավոր է,  հեղափոխական բացահայտում է կատարել: Նա ենթաստամոքսային  գեղձի քաղցկեղի վաղ ախտորոշման համար թեստ է ստեղծել, հաղորդում է «Medikforum.ru»-ն:

Դա քաղցկեղի ամենածանր տարատեսակներից մեկն է, որից մահանում են հիվանդների մոտ 98%-ը, ախտորոշման առաջին 10-12 ամիսներից հետո: Ենթաստամոքսային գեղձի քաղցկեղից մահացել են ռուսական հնարահայտ դերասաններ Օլեգ Յանկովսկին և Անդրեյ Տոլուբևը, նրանց ամերիկացի գործընկեր Պատրիկ Սուեյզին, նաև Apple  ընկերության հիմնադիր Սթիվ Ջոբսը: Ցավոք, տվյալ ուռուցքը զարգանում է առանց որևէ ախտանիշների մինչև այն պահը, երբ արդեն ուշ է որևէ բուժում անցկացնելը:

Ամերիկացի դպրոցականը, շնորհիվ իր հայտնագործության, հնարավոր է փրկի միլիոնավոր մարդկանց կյանքեր: Եթե հիվանդությունը հայտնաբերվի I-II փուլերում, ապա պացիենտների բուժման հավանականությունը բազմակի անգամ կբարձրանա: 15-ամյա Ջեկ Անդրակը ստեղծել է պարզագույն հետազոտություն մեզոտելինի մակարդակի փոփոխության վրա: Այն քաղցկեղի վաղ փուլի կենսամարկերն է, որը կարող է որոշվել արյան և մեզի մեջ: Հետազոտությունը թույլ է տալիս խոշոր հեղաշրջում կատարել այս ուռուցքի բուժման գործում: Ջեկ Անդրակի թեստը, որի համար նա արդեն ստացել է մրցանակ` 75 հազար դոլարի չափով, շատ նման է դիաբետիկների համար նախատեսված թեստերին: Դա հատուկ թղթե ժապավեն է, որի վրա պետք է մի կաթիլ արյուն կաթեցնել: Տվյալ հետազոտության ճշգրտությունը 90%-ից բարձր է, իսկ արժեքը կազմում է ընդամենը 3 ցենտ: Բացի այդ, տվյալ թեստը կարելի է օգտագործել նաև ձվարանների և թոքերի ուռուցքների հայտնաբերման համար:

«Ես որոշեցի զբաղվել այս թեստի ստեղծմամբ այն բանից հետո, երբ մեր ընտանիքի շատ մոտ բարեկամը մահացավ ենթաստամոքսային գեղձի քաղցկեղից: Ամսագրում կարդացի ածխածնային նանոթելիկների մասին և միտքս պայծառացավ: Ճիշտ է, թեստի ստեղծման ընթացքում ես  մերժում եմ ստացել 197 գիտնականից, որոնց դիմել էի համագործակցության առաջարկով: Շատերն ասում էին, որ ես պարզապես զբաղվում եմ անհեթեթությամբ»,-ասել է Ջեկ Անդրակը:

Հարցեր, պատասխաններ, մեկնաբանություններ